|
|
33年前筆者以主帥身份率領東方以4比0大勝流浪，勇奪嗰屆嘅銀牌冠軍，昨日我又親身進入大球場，見證母會以3比2擊敗傑志，再一次奪銀牌，雖然年少時我父親曾當過傑志班主，但我自己教過東方唔係傑志，梗係撐東方喇，所以寫呢段稿嗰陣特別開心，恭喜母會順利取得今屆首項錦標，希望錦標陸續有來。
講番今晚英超曼城對阿仙奴，最近英國球圈人士都覺得近況最弗嘅南美前鋒，梗係阿仙奴嘅智利王牌阿歷斯山齊士同曼城嘅阿根廷射手阿古路，若你問我邊個更好，咁當然係阿古路啦！唔係話A山唔好，但還記得曼城喺季初陷於低潮，阿古路憑住一己之力，喺多場五五波之役扭轉乾坤，助「藍月亮」不至被車路士拋離。今晚火併阿仙奴，曼城嘅主W有1.72倍，梗係捧「藍月亮」喇！
金句：33年後重溫母會奪銀牌，有今生冇來世 |
|
金睛卡
发表于 2015-1-18 10:53
变色卡
显身卡