巴塞慳水慳力讓得辣咪搞

猪拉多纳

巴塞隆拿今周作客鬥拉科魯尼亞，巴塞近況雖有回勇迹象，不過佢哋今季聯賽作客入球數字少得可憐，面對歇冬後兩戰冇失過波嘅拉科魯尼亞未必可輕鬆贏波，讓球主客和巴塞讓二球太多，建議捧讓球主勝。

（now 632周一凌晨2時直播）

巴塞上周中西班牙盃十六強次回合收起前鋒MSN組合、拿傑迪錫、恩尼斯達等主力，結果仍然大勝艾爾切四比○進身八強，以上主力今場應會復出披甲，不過咁唔代表佢哋一定可以輕鬆贏波；睇番巴塞今季九場作客聯賽只入十二球，足足比宿敵皇馬少二十球，而且除咗季初大勝利雲特五比○，其餘八場加埋入得七球，平均一場都入唔到一球，讓球主客和巴塞讓到二球，要淨勝三球先贏盤，盤口太辣唔抵玩。
拉科防線硬淨頂得住

除咗巴塞作客表現欠穩，拉科近況冒升亦拉近咗雙方距離，拉科歇冬後兩場聯賽先後擊敗畢爾包及打和利雲特，而且兩場都保持清白之身。自從拉科季初對住皇馬慘敗2比8後，佢哋主場三次輸波都係僅輸一粒，同時間亦贏過華倫西亞及打和皇家蘇斯達，表現唔太曳，如果Keep住士氣今仗未必冇得打。