快馬當先宜中距離

不死鸟

香港跑馬，經常要埋身肉搏，生得細粒、不夠肌肉之馬，經唔起碰撞一定蝕底，「頭盤」質素如何都好，倘不養壯身驅，難成大器也。「快馬當先」（左圖）、「太陽昇」上季3歲來港，現轉4歲成長有限，料只屬中班貨色，母線有長力還好，假如輸身材、唔夠氣，跑短途點夠對手爆哩！
霍利時馬房的「快馬當先」，外祖父是Dance Floor，昔日此父系馬「過河卒子」1600最佳，也贏過2000米，媽媽本身曾勝1600米，母線亦可發現「中游福星」和「健康之星」，可肯定有中距離長力，霍利時訓練開「三喜臨門」，比較清楚「約翰奈斯」子嗣的特性，上季「快馬當先」跑兩場1000米，有多少寓試閘於賽的味道，今季氣量好一點，應嘗試向1400、1600米發展。鄭?「太陽昇」，上季急不及待扳至1400米，睇母系長力根據其實唔多，暫覺得牠跑1200較有把握。
至於未曾上陣姚?的「星域快車」，母系出自Success Express，4匹同母馬出賽全勝，除一匹馬女3勝1000米，餘下3匹皆贏過1400米，初步睇應是此程特佳，配售馬質素難以高估，縱見上陣都係睇定先。

少基