太陽能用大師傅留神

不死鸟

周二泥閘表現最突出當然是第1組賽事，泥地王「幸運駿駒」在杜利萊胯下未騎經已彈甩對手，真係嚇死人。相信此駒會安排特首盃上陣，不過一日馬會唔重視泥地賽，安排最高分頂班（120分為上限）的泥地賽，相信「幸運駿駒」也難有用武之地。
不過同組試閘中，有一匹是值得大家留意，是鄭俊偉馬房「太陽能」，該駒雖然是見習學員梁儉德策騎，不過早段及早領放，轉至直路上按慢衝過終點，表現頗為輕鬆，看來?主已安排該駒在季初出擊，大家值得留神。事實上，此駒來港兩季，首兩戰第1場賽事都有好表現，前季在1200米上陣成99倍大冷門，結果後上如箭取得一席季軍，繼後在1400米打開勝門，上季初出跑1400米，在薛順強胯下後上取勝，更擊敗其後連勝連升「同一夢想」，質素絕對不低。
可惜繼後表現平平，從未能闖入三甲，只能取得3次第4，表現令人失望，不過個人認為，此駒甚少受過大師傅的考驗，至今仍未交出其最佳表現，如果來季?主願意用大師傅操練甚至執韁，便可以長期留意。當然此駒近兩季首戰都有表現，故無論首戰賠率如何，也值得大家以1W3P形式捧場，因為此駒至今從未試過成為大熱門，最熱也只是7倍左右，必有一定分頭。