波圖葡聯盃發圍

猪拉多纳

波圖喺今季葡超一直排喺賓菲加後面，球隊為免季尾時兩手空空，相信連盃仔都唔會放過。今晚波圖喺葡聯盃D組賽事會作客鬥布拉加，球隊依家喺分組兩戰全勝排榜首，為求盡快取得晉級資格相信會全力爭勝，阿謙睇好波圖今仗可以反客為主，捧客Ｗ！

（周四凌晨4時45分開賽）

葡聯盃依家嚟到第3圈，賽事以分組形式進行，每組首名出線準決賽。若出現同分情況則先計得失球差，再計總得球。波圖現時喺D組排榜首，球隊由於喺聯賽落後榜首嘅賓菲加成6分，為免季尾時冇盃落袋，相信連葡聯盃呢啲賽事都唔會放過，力求盡快鎖定小組出線資格。
６連勝追擊布拉加

波圖近期連贏6場表現醒神，今仗就算只以哥利斯馬、積臣馬天尼斯及奧利華托利斯等人掛帥，亦足以擊敗近兩仗只係贏過弱旅，狀態唔算太好嘅布拉加，阿謙今仗捧作客嘅波圖可以順利贏波。