又快又勁上陣要捧

不死鸟

昨日翻看了一陣子9月份各駒晨操資料，其中留意到大摩馬房的「又快又勁」，自7月中打後便在晨課天天露面，近期更頻頻用主帥出試，並且由單跳一段到單跳兩段，相信緊接而來馬房便會安排進行拍跳，倘若臨近上陣再試多一課大閘，動態就更加似樣。
「又快又勁」今季已是在港服役的第4個季度，6歲馬每季總有1W多P進帳，相信馬主對成績都應該滿意。還記得此駒在上季開鑼日跑那場2班1400米賽事，直路竟可以彈離第二名的「秘密行動」3個多身位，後駒全季取得兩捷，目前評分比「又快又勁」還要高出4分，偏偏「又快又勁」晉身1班後便無以為繼，看似評分已近飽和，不過上季尾首次扳上田草1600米，只係輸畀「喜聚寶」及「好先生」兩匹分別在近兩屆打�先雵�馬，縱然你未必相信6歲馬會有再進步本事，但至小證明狀態已重拾昔日水準。
未知大摩會否安排此駒出戰開鑼日的100分上限1400米賽事，但估計只要一派上場便會郁手。