愛奴當頭起追打落水狗

猪拉多纳

剛舉行嘅亞洲盃賽事令一班上盤客損手爛腳，強陣出擊志在冧莊嘅日本大熱倒灶，喺8強慘遭阿聯酋淘汰，其實大家都忽視阿聯酋近年足球水平不斷冒升，尤其係「海灣美斯」奧馬鴨都拉文非常Sharp醒，「瀛男」賽前讓到一球／球半純粹係靠名氣，同日另一場8強「兩伊之戰」，伊朗亦要讓伊拉克半一咁多，兩場波都要互射12碼分勝負，最終兩支熱門輸盤兼出局，一眾上盤客真係欲哭無淚。

今晚重心係西甲賽事，愛斯賓奴主場鬥艾美利亞，前者連贏三場，包括上周中於西盃勇挫勁旅西維爾，表現令人驚喜，相反艾美利亞三連敗狀態曳爆，仲有多名主力要踢非國盃缺陣，此消彼長之下，初盤愛奴要讓到半一，飛數硬淨，正所謂寧買當頭起，上盤有買趁早。

（周一凌晨2時開賽）
莊家睇好 森多上盤照跟

至於意甲森多利亞主場對近八仗僅一敗嘅巴勒莫，前者上周中意盃畀國米踢出局理應力疲心傷，但初盤森多仲要讓波兼低水，備受莊家睇好，看來上盤有啲計喎。

（周日晚10時開賽）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！