大勝福星開鑼睇實

不死鸟

剛周末兩大馬房蔡約翰及蘇保羅在同一時候拜神，可能呢個時辰真係最適合祭祀，結果記者們就要兩邊走啦！好彩兩個馬房的距離不足30米，雖然一來一往只係30秒左右，但也足以讓記者及攝記們疲於奔命了。
在蔡約翰拜神儀式中見到「大勝福星」馬主鞠應悌博士，他十分熱情跟在場記者談天說地，更分享他對人生的看法。正所謂「聽君一席話，勝讀十年書」。的確只係聽鞠博士的至理名言，實在比起睇多幾多本書也為好。
筆者問及鞠博士有關「大勝福星」未來部署時，他表示得到蔡約翰匯報，指該駒自交由勞愛德主課後，狀態比前有增無減，最重要是騎者自從接手之後，簡直可以說是愛不釋手。
現時已經主操了九課，據悉此駒將會出戰開鑼日三班1200米賽事，而上季該駒三戰1200米，取得兩冠1殿成績，季初已安排出爭首本路程，可見蔡約翰之急進，如果今日報名見到此駒的名字的話，相信要點樣做我也不用多說了！