愛斯賓奴反彈發維

猪拉多纳

「西甲陳偉霆」喪入波

西班牙盃8強次回合又有好戲，西維爾聽朝喺主場對愛斯賓奴，捧2.55倍「讓球客勝」，皆因西維爾陣容不整，愛斯賓奴又有卡些度狂入波大翻身，卒仔變王牌勵志到暈，梗係撐得過啦！

（now632台及TVB13周五清晨5:00直播）

除咗雷恩斯養傷，西維爾仲有麥比亞為喀麥隆出戰非國盃，難怪佢哋喺首回合輸1:3後，日前作客華倫西亞又以相同比數敗陣，連輸兩場證明對佢哋有好大影響。而且今季西維爾好似順開一條龍，衰開就有氣路，家陣2連敗唔似會突然贏波反彈。
西維爾衰開2連敗

大家都應該聽過「而我不知道陳偉霆是誰」呢句金句，但各位又知唔知，以前畀人寸嘅William，拍完國產劇《古劍奇譚》後已爆紅，被捧成全民大師兄紅到上春晚，微博粉絲人數超過620萬。愛斯賓奴嘅卡些度，就有機會做「西甲陳偉霆」喇！

以往卡些度効力曼城畀人當廢柴，甚至淪落做人球不斷被外借，慘到要去中東踢艾查捷拉。不過今季卡些度加盟愛斯賓奴後，完全唔同晒，踏入2015年後更加徹底撻着喪入波。撞啱愛斯賓奴連贏4場反彈，後衞阿尼斯阿比拿又坐完波監，收多次錢唔奇呀！
首回合：西客負1:3