畿內亞靠抽籤8強撼加納

猪拉多纳

非國盃D組由於出現畿內亞及馬里同分兼得失球差、得球數全部一樣，要抽籤決定邊隊以次名出線，結果畿內亞好彩抽贏，8強將鬥加納。馬里足總主席巴巴迪亞拉好失望：「用咁嘅方法去決定排名係最殘酷，我情願球隊喺球場上輸波。」
剛果有進步 平手盤可吼

8強戰今晚開打頭場上演「剛果對碰」，由剛果鬥剛果民主共和國。兩軍今屆分組賽俱不敗，但剛果由揭幕戰打和東道主赤道畿內亞起計，表現愈見進步。相反剛果民主共和國三場分組賽一場都贏唔到，出線只因同組對手更差，讓球主客和剛果受讓固然可取，想要好賠率可捧埋平手盤。

（周日凌晨零時開賽)

尾場東道主赤道畿內亞鬥突尼西亞，決賽周前被睇低嘅赤道畿內亞能夠打入8強已算超額完成，突尼西亞無論隊型、經驗都比主隊佳，小讓平半捧上盤。

（周日凌晨3時30分開賽）