曼聯火滾搵狐狸報仇

猪拉多纳

(六)13 曼聯 Vs 李斯特城

曼聯今晚聯賽返主場迎戰「狐狸」李斯特城，賽前有傳鋼門迪基亞同紅魔續約好事近，快將成為英超最高薪門將，隊長朗尼仲特登大晒同前拳王泰臣嘅陳年合照，藉此振奮大軍士氣，撐讓球主勝。

（now 621周六晚11時直播）

上周英足盃曼聯作客竟被乙組仔劍橋聯羞家悶和，好彩賽前傳出好消息，曼聯打算開出14萬鎊周薪留住迪基亞，並加入4,500萬鎊解約條款防止皇馬撬人；若果成事的話，迪基亞將會力壓周薪11萬鎊嘅曼城門將赫特，榮升英超最高人工守門員。身為隊長，朗尼深明球隊近期表現飄忽，日前佢特登喺instagram上載一張同前重量級拳王泰臣嘅陳年合照，希望藉此激勵隊友在比賽中發揮泰臣嗰種戰鬥精神，況且紅魔眾將仲對首循環領先兩粒之下，反敗畀「狐狸」3比5依然耿耿於懷，今返主場必想大勝一場報仇，讓球主勝不容錯過。