團體馬明刀明槍

不死鸟

昨日提到轉倉馬心態，幕後無非都係想贏馬，所以鬥志方面無須懷疑，接手的馬房亦想盡快交代兼省靚招牌，吸引更多馬匹來投，除非是馬匹實力有限或健康有問題，否則必會特別肉緊催谷，務求盡情發揮馬匹潛能，以免蹉跎歲月，因為有機會再他投，到時可能為時已晚，錯失良機。
馬迷對於鬥志鮮明的馬匹，投注上都較具信心，只要馬匹有狀態，陣上逢出必拚，爭取最佳名次，輸贏都跑盡畀你睇，就算輸了都唔會谷住條氣。轉倉馬就是屬於這類鬥志鮮明一族，馬迷注目可以理解，當中不少練馬師對這類馬特別重視，且有心得，轉倉無耐就可重新操好，部署搏殺交代，告東尼、徐雨石、胡森及方嘉柏更是箇中能手。
此外，一些團體馬及各個馬房團體馬，眾志成城贏得就贏，較少會隱藏於密謀好分頭，練馬師亦不會作保留，作風明刀明槍當然是馬迷喜歡捧場目標。當然還有一些出名的星級馬，跑親都係高獎金大賽，為名為利無須整古做怪，但賠率較熱屬於好睇唔好賭場合。