噴射機輸開有條路 博獅吼下一隊入球

猪拉多纳

澳職玩不停，周五又有好戲碼，紐卡素噴射機喺主場對布里斯班獅吼，睇住直播玩即場投X最過癮！今季噴射機有個「失波有條路」規律，好多時失完波後，都會繼續迷失再失波，撞啱獅吼喺休戰期後打番起氣勢，只要有波入，下一隊入球就值得跟進呀！

（開賽時間：周五下午4:40）
噴射機唔重防守

噴射機兩個星期前曾以0:7慘負阿德萊德聯，輸到完全冇還手之力，聽落都令人覺得慘情，而且今季佢哋成日玩大無畏足球，就算落後都唔會用輸少當贏心態比賽，反而會全軍壓上博入波翻身，結果好多時都失完波，轉過頭又失多球，都唔知話佢哋唔識死定唔知衰好。
獅吼鬥心返晒嚟

事實上，噴射機喺開季以來15場聯賽，已經有8場失波後再被攻陷，當中甚至有5場至少連失3球，包括主場以0:4不敵布里斯班獅吼，連續被攻破大門4次，而且噴射機喺季前熱身賽，都試過淨吞獅吼4蛋，今次再遇，隨時又畀人大炒，玩下一隊入球要手快至得。

另一方面，獅吼喺亞洲盃後以3:2砌低威靈頓鳳凰，就算門將迪奧列托斯下半場解圍省中對手彈入網，連累球隊一度被追成2:2，都能夠喺補時階段靠桑蘇拿辛奴攻入絕殺入球贏波，證明佢哋嘅鬥心已返晒嚟。所以話，只要獅吼今場有波入，睇住直播揀下一隊入球真係笑呵呵！
噴射機連續失波規律

日期 比數 連續失球

2015/01/24 作客負阿德萊德聯0:7 7球

2014/12/30 主場負墨爾本城2:5 4球

2014/12/12 作客負珀斯光輝0:2 2球

2014/12/06 主場負威靈頓鳳凰1:3 3球

2014/11/14 主場負布里斯班獅吼0:4 4球

2014/11/08 主場和墨爾本勝利2:2 2球

2014/11/01 作客負珀斯光輝1:2 2球

2014/10/26 作客負威靈頓鳳凰1:4 3球