熱刺Home Dog好鬼惡

猪拉多纳

今晚英超頭場上演北倫敦打吡，由熱刺主場火併阿仙奴，盤口方面熱刺有得受讓添，Peter覺得打吡戰永遠都係搏甩髀，所以數據可以擺埋一邊，信Home Dog（門口狗）好過，因為門口狗常常咬人，何況熱刺仲有一名死球高手基斯甸艾歷臣，呢位前阿積士中場每有神來之筆，而阿仙奴又缺少阿歷斯山齊士同阿歷士張伯倫，因此熱刺下盤博得過。
QPR冇夏利叔未驚過

至於昆士柏流浪（QPR）主帥夏利列納因腳痛辭職，但影響唔大，事關「夏利叔」霸咗個位好耐又冇成績，近年升升降降，其實QPR班波質素唔差，今仗主場對修咸頓受讓半一，值得一敲。

踏入二月，各地聯賽及盃賽都打得如火如荼，勁旅會踢得小心翼翼，加上強烈嘅爭勝決心，相信聯賽應會較多正路波，但盃賽方面，尤其係歐聯16強首回合淘汰賽將喺月中重開，除咗個別強弱懸殊賽事之外，各隊均以唔輸波及唔失波為大前提下，預計會出現好多和波及入球偏少，到歐聯正式重燃戰火，Peter會喺專欄再同大家詳細分析。
金句：

北倫敦打吡 信Home Dog好過數據