史雲斯唔識攻冇本事讓黑貓

猪拉多纳

德甲重開最令人跌晒眼鏡嘅球隊非拜仁莫屬，由於歇冬後首仗慘敗畀禾夫斯堡四個一皮，周中返主場鬥史浩克04，初盤讓到兩球/兩球半咁辣，睇得出莊家對佢哋充滿信心，大戶梗係唔執輸入定上盤，個個都深信拜仁唔會咁失威連衰兩鋪。
當黑拜仁辣盤再反

不過場波開波冇耐，拜仁就有謝路美保定領紅打少個，大戶見勢色唔對，臨場亦醒水補番啲大盤，諗住攻強守弱嘅拜仁，會同對手合演入球騷，點知打多個嘅史浩克04竟然「淆底」死守唔攻，最終雙方各一言和，大戶慘遭「雙殺」輸鑊甘，其他散戶亦未能幸免。今晚拜仁作客出擊史特加又係讓到兩球/兩球半咁多，肥叔建議玩下盤。

講番是日重心推介，肥叔睇中英超史雲斯主場迎戰新特蘭，前者射手韋菲特邦尼轉投曼城，令球隊火力大減，受讓都還可以，一要讓波就有啲危，「黑貓」新特蘭近八作客只輸兩場，呢隻有九條命嘅「黑貓」開始啟動護級Mode搶分，史雲斯今仗仲有中場發電機基菲爾施古臣續坐波監，就算有地利都冇本錢讓半一，肥叔力撐「黑貓」下盤。

（now 624周六晚11時直播）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！