場地模式主宰賽果

不死鸟

今季跑?兩次賽事，賽前預言跑A欄應該有得追，但結果都係利放不利追，尤以走中內檔守好位的佔盡優勢，至於那些直路走外檔後上的實力馬真正難越雷池，可能兩天場地都稍受天雨影響，後追不利，相信往後賽事又未必如是，始終場地及跑道偏差對賽果有直接的影響，當然騎師及練馬師亦深明箇中奧妙，正所謂進可攻，退可守，始終騎師出閘後決心及誠意具關鍵性。
就以周三晚為例，賽前柏寶匹「榮進寶寶」殺聲震天，票數亦信心爆棚，可惜當晚大利放頭，否則「再來旺財」都唔會有人咁有信心大注落飛，講到此駒上季轉投薛達志馬房備受馬迷憧憬，結果整季下來表現差強人意，陣上經常虎頭蛇尾最叻都係跑P，本身流於均速欠缺竄勁，實力亦非想像般高，相信連筆者在內，馬迷上季在此駒身上所輸的亦為數不少，今次賽前操練末段考驗有反應，存心轉爭窄場謀交代，得唔得就要跑過至知。隔夜到臨場都係十幾倍，最後階段才大注WQ齊落，結果一放迄終9倍贏馬，臨場識執生跟番多少，總算不枉苦心。