阿仙奴開火獵殺「狐狸」

猪拉多纳

阿仙奴上周喺「北倫敦打吡」畀哈利卡尼玩殘，不過唔緊要，佢哋今晚返主場對住榜尾嘅李斯特城，係時候大勝一場強勢反彈，1.75倍「讓主」抵玩！

（now622台周三凌晨3:45直播）

「兵工廠」上仗雖然有「大眼仔」奧斯爾先開紀錄，可惜換邊後畀「哈利仔」連隊兩粒，呢場波仲要係雲格喺英超第700場比賽添，輸波梗係勁唔Happy啦，唯一值得慶幸係「大眼仔」復出後仲弗過以前，連續3場有波入，韋碧克上仗傷愈披甲亦有晒交代，今場擔正，梗係要隊多兩粒踢爭氣波啦！

對家李城完美演繹「作客蟲」本色，聯賽12輪客戰得2勝1和9負，最弊係領隊皮雅臣上仗發神經，比賽途中叉水晶宮球員條頸並撳喺地上面，之後一度傳被炒，不過李城尋日竟發聲明話撐皮雅臣，引嚟唔少批評，家陣「狐狸」慘成眾矢之的亂晒坑，好難頂到阿仙奴強襲！