多蒙特主主博得過

猪拉多纳

列奧斯續肥約入波報恩

「蜂王」留守，「蜜蜂軍團」奮戰到底！多蒙特今季衰到要為護級掙扎，畀着其他球隊一早就出現逃亡潮。不過佢哋上下勁齊心，上場作客大炒弗賴堡3:0之餘，就連主力馬高列奧斯最近都續埋約，真係咩信心都返晒嚟。今晚佢哋主場迎戰近況勁差嘅緬恩斯，大有條件由頭贏到落尾，1.78倍「主主」抵玩。

（有線61、201及廣東體育周六凌晨3:30直播）
「蜂王」3.52億續約4年

「蜜蜂軍團」今季一直霉到喺榜尾徘徊，又不時傳出馬高列奧斯跳船消息，球迷同隊友唔驚就勢係假。好在呢位型男早前正式續約至2019年，仲刪走原有嘅解約金條款表示忠誠。球會亦喺贊助商資助下，開咗張年薪達1,000萬歐元（約8,800萬港元）嘅4年合約過佢，加加埋埋有成約3.52億港元，令佢成為球隊史上第一高薪球員，計落淨係差德甲第一高薪嘅列貝利50萬歐元。收咗咁大份禮物，列奧斯今晚點都要盡力數胡賀一賀佢喇。
緬恩斯首席門將停賽

再者對手緬恩斯狀態頹爆，近12場聯賽只得1勝，成班波愈踢愈冇信心。更大鑊嘅係首席門將卡利奧斯今仗坐波監，偏偏呢個時候先撞正上仗交出2入球1助攻、全面復勇嘅蜜蜂射手奧巴美揚，再睇埋緬恩斯對上4次作客多蒙特喺換邊前已經失守，仲點撐得落手吖。