巴塞MSN炒起利雲特

猪拉多纳

着晒火讓3粒濕濕碎

巴塞隆拿今晚會喺西甲主場迎戰「魚腩」利雲特。巴塞自上月作客不敵皇家蘇斯達後，球隊已連贏10場重拾霸氣，前線「ＭＳＮ」美斯、蘇亞雷斯及尼馬近期頻頻入波，今仗對住作客腳軟嘅利雲特，肯定大開殺戒，讓球主客和巴塞讓三球咪畀佢拋窒，阿King照捧讓球主勝。

（now 632周一凌晨零時直播）

巴塞隆拿上仗聯賽作客5比2擊敗畢爾包，而上周中西班牙盃4強首回合主場亦以3比1殺退維拉利爾，球隊取得10連勝佳績。今場雖有後衞丹尼爾停賽，而杜格拉斯彭利拿及華美倫因傷無法上陣，但影響唔大，事關以球隊近6仗攻入21球嘅火力，加上前線「ＭＳＮ」組合近期賽事頻有入波，今場喺近10仗全勝嘅無敵主場出擊，絕對有力大炒對手。

利雲特上場聯賽擊敗馬拉加終止3連敗，但佢哋今場有中場甘馬拉沙停賽，前鋒域陀亦因傷倦勤，原本打算準備借用富咸前鋒拜仁雷斯，但因條約問題未能成事，加上首循環主場都輸0比5，今仗等做炮灰，讓球主客和巴塞讓三球都冇有怕，照捧讓球主勝。
阿聯齊腳重拾「光輝」

澳職阿德萊德聯上輪喺「校炮手」卡路斯卡等多名主力缺陣下敗走中岸水手，但一眾傷兵已順利回歸；相反珀斯光輝今仗有後衞祖碧治停賽，防線進一步被削弱，主場出擊嘅阿德萊德聯有望贏波而回。（周日下午2時開賽）荷乙賽事鹿特丹斯巴達兩連勝轟入對手9球，火力強勁，主場面對3連敗嘅燕豪芬青年隊，有力再開「入球派對」，一於捧讓球主勝。

（周日晚9時30分開賽）