常山鎮寶篤定行頭

不死鸟

而家?小朋友非常醒目，同以往相比真係有天淵之別，前一輪響熒光幕睇歌唱比賽，有位女參賽者，如果唔係事前公布年齡，睇外觀任你點估都估唔到只得12歲！上個星期無意中又睇到一輯內地訪問兒童將來長大志願係想做乜？竟然有位小朋友答做貪官！小小年紀真係語出驚人。由此可以反映出今時今日小朋友唔單止早熟，思維去到邊都難以捉摸，仲難搵隻頭馬，真係戥家長及老師頭痛咯！
「福喜」呢匹5歲愛爾蘭自購馬，自從上季由告東尼馬房轉投何良倉口調校後，陣上演出猶如脫胎換骨，上陣8次取得1冠3亞1季軍，上季谷草1650米負於頭馬「國中之星」不過兩個多身位，如果不是全程居於包尾位置，相信穩入三甲，今次夜賽又與「國中之星」同場，睇馬房部署手法及馬匹狀態，應可一雪前恥。
「常山鎮寶」上季尾在田草1800米贏取頭馬，響?暑期間，操練保持積極，開鑼日報爭田草1600米乃旨在熱身，居然能夠剷入一席第三，今次夜賽對手實力平平，況且經過一仗熱身，馬房大佬揚言今仗可以穩入凱旋門。