星洲講波佬 客觀又正面

猪拉多纳

Peter趁住新春假期，返咗和暖嘅新加坡過番兩三日，日頭感受溫暖陽光，晚上當然係睇波喇。由於當地冇乜廣東話評述，絕大部分都英語講波，但佢哋所用嘅演繹方式都幾恰當。舉個例子：「左翼出波，前鋒頂得靚，龍門救得仲靚，三人精湛表現都係贏家，只係入唔到波，但並唔代表唔好睇。」相比一些如「頂歪啲咪會入囉」呢類假設性嘅評述方式，Peter覺得佢哋從欣賞嘅角度，講得既客觀又正面。
只兼顧英足盃 曼聯穩「入歐」

講番現時英超形勢，頭7隊中，「雙藍」車路士同曼城幾乎穩袋下屆歐聯入場券，而第3至7位其實僅僅相差5分，曼聯依家位列第3，除咗聯賽之外，只須兼顧英格蘭足總盃，重奪歐聯資格嘅機會好大，剩番一個席位就真係爭崩頭，預計嚟緊賽事會更加激烈。由於今晚係大年初三，過年最緊要一團和氣，唔一定要押注賭博，始終新正頭輸輸聲唔老利，所以Peter寧願睇波唔賭波。
金句：受益良多的（Positive）正面足球繹說