阿仙奴上盤派利是

猪拉多纳

利華熱唔透 捧奧格斯堡

爆竹一聲除舊歲，踏入羊年又係一個新開始，肥叔喺度恭祝大家新年快樂，身體健康，羊年行大運，買波嘅讀者長買長中贏到開巷！中國人習慣喺農曆新年賭番幾手，由於足球比賽愈來愈受歡迎，賭波亦成為新年幾日假期嘅餘興節目，連一啲平時唔賭波嘅朋友都會玩埋一份，成班人熱熱鬧鬧睇波跟住收錢，發番個新年財都咪話唔過癮，相信會帶挈投X市場好似年宵市場一咁旺。

新正頭梗係想開個靚頭，今晚係羊年首個英超賽日，肥叔重心場次係水晶宮主場對阿仙奴，阿仙奴雖有歐聯後顧，但挾住近八仗贏七場嘅強勢，初盤要讓到半一，證明備受莊家睇好，希望呢個上盤幫到大家逗番封大利是過年喇。

（now 623周六晚11時直播）

至於德甲第六嘅利華古遜作客「五哥」奧格斯堡，大家排名接近，睇番利華上仗力戰之下補時失守輸4比5，可謂力疲心傷，嚟緊周中歐聯要出戰上屆亞軍馬體會添，難免有所取捨；外地盤口利華仲要讓半球，但有逾兩倍明顯熱唔透，寧願捧番奧格斯堡。

（有線64及203台周六晚10時30分直播）
賓福特受讓開餐

最後英冠賽事賓福特主場對「二哥」般尼茅夫，由於賓軍班主係肥叔細姪，之前講過佢哋希望先喺英冠站穩陣腳，暫未有升上英超嘅野心，但該隊都會贏吓輸吓，費事狂揸流攤做得咁着迹喇，但經過近四仗輸三場後係時候嚟料，今仗對住全力爭升班嘅般尼茅夫，受讓平半，下盤值得一試。

（TVB 301周六晚11時直播）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！