西維爾態勇作客剃蘇

猪拉多纳

今晚西甲早場由皇家蘇斯達喺自己地頭迎戰西維爾，皇家蘇斯達近期狀態麻麻，加上已連續3場未贏過，今仗就算有主場之利都難贏近況唔錯嘅西維爾。度士睇好西維爾今仗可以反客為主，讓球盤西維爾小讓平半，梗係捧上盤啦！

（now 632及TVB13周日晚7時直播）
皇蘇陣容天殘地缺

皇家蘇斯達近3場聯賽只得2和1負，輸畀皇家馬德里屬非戰之罪，但打和艾美利亞同切爾達就令人失望，可見班波狀態麻麻。蘇斯達今仗有後衞尤利貝治捷停賽，後衞米基干沙利斯、卡路士馬天尼斯及阿列斯艾路斯當度，中場蘇魯圖沙、簡拿利斯同前鋒卡路士韋拿都有傷上陣成疑，陣容天殘地缺下就算主場都唔係咁易贏波。

相反西維爾近況唔錯，球隊喺聯賽同歐霸盃32強皆順利贏波取得兩連勝，證明狀態夠勇。西維爾今仗雖有中場基祖華克要坐波監，而門將比圖、後衞安度查、中場基斯度科路及前鋒伊亞高艾斯巴斯都有傷上陣成疑，但球隊近兩仗嘅表現仍然交到貨，度士睇好西維爾今仗有力反客為主，小讓平半梗係捧上盤啦！