達斯泰特穩陣波強細登場

猪拉多纳

阿King今次向德乙埋手，介紹爭升班大戰，達斯泰特主場對布倫瑞克，兩隊分別排第三及第五位，僅有四分距離，論狀態及穩定性，達斯泰特勝一籌，已經保持十三場聯賽不敗，問題係球隊踢法保守，遇上勁敵更加唔會冒進。布倫瑞克歇冬後跌Watt，作客難發圍，今場入球細熱爆至1.48倍，開出機會高唱入雲，可用來過關。

（周六凌晨1時30分開賽）

達斯泰特今季升上德乙，演出令人驚喜，二十二場聯賽僅兩敗，成績遠超預期。關鍵在於球隊有自知之明大踢穩陣足球，目前成為失波最少球隊之一；但同時入波亦偏少，僅有二十七球，仲少過護級分子1860慕尼黑。因此，達斯泰特近十三場聯賽不敗之中，有八場和波，換言之勝出率僅百分之三十八，相比呢十三場有接近八成開出入球細，捧細盤命中率明顯較高。
布倫瑞克歇冬後走樣

布倫瑞克歇冬後三戰只有一和兩負，表現走晒樣，今仗人腳亦不整，後衞列曹停賽，另一位守將菲奧卡夫上陣成疑，加上首席射手夏華尼爾遜養傷，更難攻破達斯泰特大門。另一場德乙，FSV法蘭克福歇冬後三連勝，今仗作客波琴，仲有得受讓，必揀讓球客勝。至於凱沙羅頓主場對格雷特霍夫，格軍近八場聯賽僅入一球，睇怕今仗都係繼續捱打，但凱沙羅頓近期慣小勝，揀入球細為妙。