愛華頓 追擊頹兵

猪拉多纳

歐霸大勝贏到勒唔住

以往歐霸盃「食之無味，棄之可惜」，但自從今屆改制冠軍可獲得來屆歐聯入場券後，各隊爭勝決心大增，上周中5支意甲球隊全部殺入16強，可謂近年罕見，始終其他聯賽嘅電視轉播費同英超差幾十條街，為咗奪冠取得「金礦」歐聯參賽資格，梗係搏老命。愛華頓亦剛喺歐霸掃走年青人，成為英超唯一希望，今晚佢哋作客阿仙奴，肥叔寧買當頭起捧愛華頓下盤。

（now 621周日晚10時05分直播）

愛華頓喺歐霸32強首回合遙遙領先年青人下，肥叔諗住佢哋次回合會留力，點知呢鋪走漏眼，「拖肥」次回合搶錢咁搶再贏3比1，擺明個勢勒都勒唔住，相反如果有睇上周中歐聯16強首回合嘅球迷都知道，阿仙奴主場1比3不敵摩納哥輸得勁肉酸，成班球員天真地谷晒上去狂攻，結果畀對手三兩下反擊殺到措手不及，咁樣輸法邊會有士氣，賽後更畀「Hea碧」貝碧托夫寸爆「兵工廠」防守太廢，呢班波踢順境波就踢到曉飛，一遇逆境波就唔識踢，同氣勢正盛嘅愛華頓形成強烈對比。

其實「拖肥」近5次聯賽造訪酋長球場錄得3和2負，睇數據好似麻麻，但輸嗰兩場都係僅輸1粒，證明佢哋作客阿仙奴唔係冇得打，初盤愛華頓受讓一球，肥叔認為今仗係「坐走望贏」格局，一於撐愛華頓下盤。
國米遇私房菜有揸「拿」

至於意甲國際米蘭主場對費倫天拿，呢兩支剛殺入歐霸16強嘅球隊近況都唔錯，不過「紫百合」近6次作客國米悉數敗陣，似乎有格食格味道，國米讓半球飛數硬淨值捧。（TVB 302周一凌晨1時直播）最後係西甲西維爾主場鬥馬體會，後者喺歐聯作客輸畀利華古遜，場波離奇地開平手盤，擺明引你落疊，跣到馬體會捧場客杰撻撻，今仗對近10場主場贏9場嘅西維爾，仲要讓波唔多合理，捧番「地頭蟲」西維爾。

（now 632周一凌晨2時直播）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！