中央陸軍未撻着悶鬥甲組仔

猪拉多纳

俄羅斯經過接近三個月歇冬期正式重開，今晚先上演兩場俄羅斯盃八強賽，其中奪標熱門莫斯科中央陸軍（CSKA）主場迎戰甲組森馬拉，莫斯科中央陸軍剛剛放走主力射手之一嘅杜姆比亞，加上歇冬後狀態未必可即時上力，預計就算贏波都只能小勝，1.95倍細盤可作過關重心。

（周一晚11時開賽）

莫斯科中央陸軍今場喺牌面上雖然贏晒對手，但經過接近3個月休息，球員狀態有待觀察，而且對手森馬拉今屆晉級路途先後淘汰烏拉爾及卡斯洛達兩支俄超球隊，絕對唔係冇還擊之力，一旦中央陸軍遲入局，想贏波亦唔容易。今季聯賽射入七球嘅科特迪瓦射手杜姆比亞已於1月轉投意甲羅馬，對球隊進攻亦有一定影響，預計今場戰情會好接近，入波唔會多。
古賓半場和好路

另一場俄盃8強由兩支俄超隊伍交手，古賓主場鬥摩度維亞，兩軍排名、實力俱非常接近，而且雙方今季上半場入波亦偏少，敲半場和。最後德乙獨腳戲恩高斯達特主場鬥1860慕尼黑，榜首恩高斯達特近兩場聯賽不勝，歇冬後狀態一般，相反1860慕尼黑為搶分護級愈戰愈勇，除咗連續兩場聯賽保持不敗，近三場比賽亦成功搶得先機先入波，今場有一定搶分機會，捧讓球客勝。