西布朗撻着繼續發維

猪拉多纳

英超快車另一場賽事由阿士東維拉主場對西布朗，呢場波屬於「中部打吡」戰，兩軍近期皆作出換帥行動，但表現卻各走極端。阿士東維拉近態低沉，聯賽錄得五連敗；相反對手西布朗嘅成績則穩步上揚，近五仗取得三勝兩和嘅佳績，今仗就算作客踢打吡戰都有力贏波，平手盤阿謙梗係揀西布朗啦！

（now 621周三凌晨3時45分開賽）
維拉傷兵多信唔過

維拉今季成績非常唔理想，球隊有見及此早前決定辭退主帥林拔，搵嚟前熱刺主帥舒活執教。可惜，舒活嚟到未能幫助維拉止跌，球隊近兩仗聯賽皆輸波似乎冇乜起色，目前排於英超尾二，加上近期飽受傷兵困擾，後防阿里施蘇高及辛德路斯、中場基蘭李察臣都唔出得，今仗就算有主場之利都唔係咁易可以贏波全取三分。

西布朗自新帥佩尼斯於年初上場後表現大有改善，近十仗只係輸過一場，球隊明顯有好大進步。西布朗目前喺聯賽榜排第十三位，距離降班區域只有八分差距，球隊自然希望贏多啲波盡早上岸；今仗賽前雖傳出前鋒伊迪耶及比拉希奴有傷上陣成疑，但另一箭頭安尼捷比已傷愈可以隨時候命，對球隊實力影響不大，今仗作客有望擊敗死敵維拉，平手盤阿謙撐西布朗。