布魯士用人唯親 侯城內亂益晒黑貓

猪拉多纳

另一場護級大戰，「老虎」喺主場恭候新特蘭，曼聯迷可能會對呢場波有興趣，事關兩軍都有「紅魔」元素，不過個人認為，查實侯城領隊布魯士重用寶貝仔阿歷斯布魯士，真係好唔對路，搞到其他球員冇心機，新特蘭受讓，撐1.71倍「讓客」。（now623台周三凌晨3:45直播）
人球囝囝變防線核心

侯城領隊布魯士曾經係曼聯隊長，可惜佢教波都幾唔掂，咁耐都仲未試過執教實力好些少嘅球會，當中原因可能係同佢用人唯親有關，事關佢一向都好鍾意拉攏曼聯球員加盟，執教伯明翰期間，佢仲大膽到提拔自己個寶貝仔阿歷斯布魯士上一隊，咁樣用人法，真係幾打擊士氣。

事實上，阿歷斯出道以來同人球根本冇分別，實力有限，布魯士家陣當正佢係後防核心，其他侯城球員唔眼火爆至奇。

對家新特蘭近況的確好曳，中堅布朗仲無啦啦食死貓要停賽添。好在，仲有「真兇」奧沙睇住條防線，鋒線亦有迪科爾同阿當莊臣孭飛，齋計人腳名氣，都贏晒侯城。
Data King：虎貓大戰勁旺紅牌

‧「老虎」「黑貓」近7次交手，共有6面紅牌。

‧侯城英超未試過主場3連勝。

‧新特蘭近8場比賽有7場開入球細。