國體會-1冇難度

猪拉多纳

自由盃追擊艾美歷克

聽朝有3場南美自由盃分組賽，阿King睇中咗巴西國際體育會主場對厄瓜多爾艾美歷克呢場波。國際體育會近3仗未輸過表現出色，球隊喺省聯賽氣勢如虹，今仗面對冇咗高原主場嘅艾美歷克，相信可以繼上仗大勝智利大學再輕取對手，捧讓球主勝。

（周四早上9時開賽）

國際體育會上周中喺分組賽以3比1輕取智利大學，周末省聯賽則於有留力之嫌下打和甘美奧，近期走勢確實唔錯。新加盟國體會嘅莫斯科中央陸軍前鋒域天奴、曼聯中場路爾斯安達臣、高士路中場尼頓費拉拿及明尼路後衞利華漢拔圖皆可以候命上陣，而且隊長迪阿歷辛度更連續兩場分組賽射入12碼，今仗球隊喺主場出擊有望輕鬆取勝。

艾美歷克上輪分組賽主場以3比0擊敗強者，但喺周日聯賽卻作客輸波，演出略嫌飄忽。艾美歷克擁有効力過美國芝華士嘅前鋒蒙丹尼及中場巴蘭奴斯在陣，當中巴蘭奴斯更連續兩場自由盃分組賽有士哥，但佢哋唔喺高原作戰始終蝕底，加上中場佐敦謝美繼續養傷，面對近況唔錯嘅國體會，相信難擋對手攻擊。
高路高路搶攻捧大有着數

另外，智利嘅高路高路剛喺聯賽重開勝門，球隊主場出擊勢必踢得進取，面對近3仗作客全勝嘅墨西哥嘅阿特拿斯相信入波唔會少，捧大盤！而阿根廷嘅聖羅倫素剛喺主場輸波結束3連勝，球員士氣難免受損，今仗主場對住近期頻頻贏波嘅巴西球隊哥連泰斯相信難以取勝，要讓波信唔過，捧下盤。