基爾禾羅馬開「大」片

猪拉多纳

（日）29 基爾禾 Vs 羅馬

基爾禾今晚喺意甲主場對羅馬，可以玩2.2倍入球大。現時基爾禾仲護緊級，形勢上需要搶分博上岸，撞啱羅馬亦要搶分爭標，兩隊隨時會整場入球騷畀大家歎。

（TVB301周日晚10:00直播）

為咗繼續留喺意甲，基爾禾最近主場出戰踢得特別進取，對上4仗主場有3次開入球大，照計今場唔會突然做衰仔死守。另一邊廂，排聯賽榜次席嘅羅馬，有後衞托路斯迪斯同恩加麥比華要坐波監，搭埋傷兵問題，搞到後防更加唔夠人用，依家落後榜首祖記9分，唔強攻搶分等幾時呀？