駿冠近況認真好

不死鸟

第一場第5班1650米。「我跑得」上季尾已見到此匹慢熱馬適應水土後開始見好，5歲馬現在才開始成熟，上仗操足令其有十足勇態，所以能與「名利好」在直路最後100米處短兵相接下以勁勢壓倒對手贏馬打開在港首次勝門。拚後勇熟有增無減，今次再跑回勝途，沿用鄭雨滇操刀，乘勝追擊力足連捷。「名利好」上場與前駒串Ｑ走勢出色，復課態況仍勇，今次檔位內移形勢有利，有機反先不奇。
第二場第4班1650。「駿冠」上場初出跑第3表現不俗，因此匹體弱馬素來??埋埋季初上陣威力較強，而上仗狀態頂多得八成，能有此表現賽績要尊重，體弱馬拚後能接受快跳屬佳兆，日前快跳走來爽勁火氣冒升，勇態明顯勝上回，再跑回谷草強項途程，馬偉昌（左圖）不放手必有所圖，施殺�舴�位望贏。「認真好」剛戰田草1400米得第六輸亦近，拚後勇態冒升，班利勇馬今次轉戰谷草，面對次一級對手，發揮水準有力爭雄。
第三場第4班1200米。「威士紀」上場不敵大勇兼有班利?「鋼意」得第二雖敗猶榮，呢仗顯露其成熟勝上季，亦反映牠現居4班不蝕底，4歲仔踏上升軌，練者必善用此黃金期，省過一場勇態攀升，今次排5檔好位，沿用蔡明紹只負110磅佔上風，可期贏馬補中。「贏馬組合」剛戰泥地後追得第4走勢悅目，匆匆再出戰意鮮明，值得追捧。
第四場第4班1650米。「帝豪龍駒」剛戰決心出拚奈何末段被困受阻，遲發力下被外檔望空衝?「心頭好」偷襲成功，可謂輸得不值，拚後勇態更盛，今次排大外檔更利此匹步大馬發揮，班利勇馬補中呼聲高唱。「榮進寶寶」態況不俗，用牌仔減磅有利進取，下決心穩入前列。