信錯QPR再反PSG

猪拉多纳

踏入羊年，大戶們好似撞咗邪咁頻頻失手，上周六晚英超獨腳戲倫敦打吡，昆士柏流浪（QPR）主場對熱刺，初盤熱刺要讓QPR半一唔多划算，因為QPR一向靠主場搵食，依家護級處於水深火熱，必定搏甩髀搶分，大戶精挑萬選，入定QPR下盤亦好正路。可惜千算萬算，就係算漏咗當旺嘅熱刺射手哈利卡尼，呢位新星今季喺各項賽事轟入26球，真係順開有條路，若非QPR臨尾追番粒輸1比2，大戶就輸晒成個盤都咪話唔甘，睇嚟佢哋都要去拜拜神轉轉運喇。

今晚續有歐聯16強次回合，最矚目嘅梗係車路士主場火併巴黎聖日耳門（PSG），由於車仔已於足總盃出局，上周末冇比賽令佢哋抖到夠，以逸待勞值得秤先，睇番出面大部分莊家開出車仔讓半球，而足智彩更開出車仔讓半一添，似乎幾有信心喎，不妨直取上盤。
莊家對車仔有信心

另一場歐聯16強次回合，拜仁主場迎戰薩克達，初盤拜仁要讓到兩球咁辣，唔多抵玩，況且薩克達亦有一定還擊力，呢場肥叔寧願推介大盤好過。
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！