冰火試準奏凱歌

不死鸟

第三班1200米，「精算拍檔」六歲馬來港後唯一勝仗正在同程取得，輕取「常山鳳寶」、「新薪」等駒，表面看來水準不高，但取勝姿態委實輕鬆，今季初出田草成大冷門，起步搶放難得直路唔斷，應可收到熱身之效，今次回師谷草勝途，對手份量減弱隨時可反客為主，馬房開齋手風轉順，機會重新輪到。「寶利多」上季同程排12檔照贏已見級數，其後轉爭田草表現未能再進，暑假易?後重新操練，眼見狀態起得不俗，操好上陣來意不善。「六六精英」上季三捷頭角嶄露，今季踏入四歲戰鬥力肯定更進一步，初次渡江亦不可忽視。「百利旺」上次同程輕鬆跑近，養回健康憑班底高有力介入一戰。
第四班1650米，「冰火」上仗初出易配卓利跑泥地1200米，車前倒後下雖然跑第九，但其實最後只以兩乘見負，露光後再操進展理想，今次增程1650米肯定合腳法得多，質新當起之馬只負116磅輕磅，試準再臨頭馬料手到拿來。「聚豪精英」今季狀態來得早，初出1400米已跑得接近，回師勝途上陣又可起作用。「帝豪龍駒」上次初跑同程即入Q，質新馬有過一次路程經驗，料表現可再進一步。「盈駿寶」易位難贏，只宜作配。