法蘭克福續演進攻狂徒

猪拉多纳

之前講過大戶「羊年不利」，上周中歐聯16強次回合烽煙四起，但大戶卻黑氣未除，除咗早早買入車路士對聖日耳門嘅細盤勉強得手之外，其餘賽事都瀨晒嘢。其中拜仁慕尼黑對薩克達之役，大戶睇死呢支德國班霸會搓住嚟踢，歎慢板唔慌多波入，晨早入定個細盤，殊不知一開波拜仁就博到12碼兼打多個，揭開7比0大屠殺序幕，臨場大戶仲錯估形勢追受讓嘅薩克達，真係輸到入肉，同以往例不虛發完全兩個樣。
巴勒莫唔赦祖記

講番今日重心推介，係德甲「進攻狂徒」法蘭克福，自前不來梅教頭舒哈夫接手後變得進攻大過天，單計入球數字（44球），僅次於拜仁同禾夫斯堡排第3，但49個失波則拍住不來梅冠絕德甲，入得又失得嘅風格，唔係短時間可以改變，絕對係大盤客恩物。今晚「法福」主場迎戰唔識入波、毫無還手之力嘅柏達邦，又係射手榜一哥美亞繼續數胡嘅好時機，順便報番首循環一箭之仇，睇番初盤，「法福」嘅主Ｗ同入球大賠率相若，肥叔認為玩大盤最穩陣。

（周六晚10時30分開賽）

至於意甲巴勒莫主場對一哥祖雲達斯，由於後者嚟緊周中有歐聯16強生死戰作客多蒙特，況且其榜首位置咁穩固，今仗難免有所保留，「傻豹」挾住主場十場不敗氣勢，絕對唔赦祖記，仲有得受讓半一咁筍，呢個下盤有買趁早呀。

（TVB 301周日凌晨1時直播）