巴塞MSN 打沉伊巴

猪拉多纳

蘇亞雷斯爆發讓夠2球都唔驚

上星期重登西甲榜首嘅巴塞隆拿，今晚將會造訪下游球隊伊巴，「地上最強」等咗16輪聯賽終於做番「一哥」，今場佢哋大意失分嘅機會可以話近乎「零」，何況蘇亞雷斯經歷咗半季適應期後終於大爆發，「MSN」嘅威力達到最高峰，讓夠2球都唔怕，今晚一於追2倍巴塞嘅「讓球客勝」

（now632台周日凌晨1:00直播）

趁住皇馬近期3仗不勝，走勢下滑，巴塞隆拿當然想繼續搶分鞏固榜首位置，事實呢班波上星期大炒華歷簡奴6:1就殺聲震天，雖然有守將丹尼爾及佐迪艾巴坐波監，好在巴塞依家嘅壓迫力，伊巴想入波真係難過登天，所以張峰對巴塞可大炒贏波嘅信心係不容置疑。
哨牙蘇近4仗轟6球

美斯對華歷簡奴大演帽子戲法，狀態弗到爆唔在講，但係最令巴塞粉絲高興，一定係烏拉圭箭頭蘇亞雷斯踢出身價波。「哨牙蘇」近4仗轟入6球之餘，仲不時造就美斯同尼馬入波，南美三叉戟嘅效率愈來愈高，更火力全開，連教練安歷基都大讚三叉戟默契愈見成熟。
伊巴聯賽7連敗

另邊廂嘅伊巴，近況曳到爆，聯賽已錄得7連敗，仲要入得2粒咁大把，如果唔係佢哋上半季搶到唔少分，依家隨時跌咗落降班區都未定。仲有呀，中場丹尼卡利路要停賽，實力大減，今晚遇着士氣好到加零一嘅巴塞隆拿，真係想唔輸都難咯！