布魯日分心醒比錫達斯

猪拉多纳

今晚仲有土超比錫達斯主場對比甲布魯日，布魯日首回合主場以2比1反勝比錫達斯，保持打入八強機會，不過基於球隊兵源較弱，難以應付三線作戰，眾將搏到相當攰，今仗賽前仲講明唔想加時，三心兩意下難以喺土耳其地獄主場全身而退，Anton撐比錫達斯主勝。

（周五凌晨4時05分開賽）

布魯日喺今屆三線作戰都踢得好，但正因為咁，現階段忙到嘔；嚟緊三日後比利時盃決賽，佢哋將大戰宿敵安德列治，係決定今屆首個主要錦標，而且比甲有附加賽條例，布魯日雖然係常規賽冠軍，但一樣要贏到附加賽至可以爭總冠軍，以及比利時唯一參加下屆歐聯資格，關係到一千五百萬歐元收入。如果布魯日今晚淘汰比錫達斯，喺四月份附加賽最忙碌嘅時候將需要兼顧多兩場歐霸半準決賽，隨時會雙失，基於布魯日自量唔夠料爭歐霸冠軍，所以會方賽前表明，今場依然會爭出線，但絕對唔希望加時。
比錫達斯主場夠惡

比錫達斯嘅奧林匹克主場出名係地獄球場，連利物浦都要喺度喪師，今仗已售出六萬五千門票，有瘋狂主場球迷支持，加上場上經常有大風怪風，客隊好多時都難以適應，比錫達斯實力本來已不在布魯日之下，既然決心比客軍強，主Ｗ捧得。
Anton 推介：

比錫達斯勝：4★

阿積士勝：4★

愛華頓讓球勝：3★