「蓮花」魔咒專剋拖肥 昆士柏下盤明益你

猪拉多纳

季尾波最講鬥心，昆士柏流浪家陣水深火熱，睇住護級對手阿士東維拉呢期反彈，再唔急起直追真係要英冠見。QPR今晚喺主場恭候愛華頓，攰爆「拖肥糖」近年去親蓮花路球場都冇好下場，QPR受讓平半梗係要下盤啦！

（now622台周一凌晨0:00直播）

QPR近9場聯賽輸足8場，以佢哋今季英超作客贏得1場嘅劣績嚟睇，主場唔搏命等幾時？爛打中場祖爾巴頓有望克服傷患復出，前線就有今季攻入15球嘅查理柯士甸衝鋒陷陣，絕對有力一拚。況且愛華頓剛啱喺歐霸盃被基輔戴拿模淘汰出局，由基輔飛返英格蘭都唔小嘢，舟車勞頓，體能上實較QPR輸蝕。
愛華頓近5次作客「蓮花」不勝

有鋒將米拿拉斯同防中巴利因傷停問題缺陣嘅「拖肥糖」，對上5次喺英超造訪蓮花路球場全部失分，分別兩次輸畀富咸（富咸02/03、03/04球季擴建卡雲農舍球場要同QPR共用球場），以及對QPR錄得2和1負戰績，呢個場咁唔老利，愛華頓讓波信唔過喎！