馬體會啞火捱「細」界

猪拉多纳

西甲會喺周中開快車，啱啱重奪聯賽「三哥」位嘅馬德里體育會，今晚先喺主場恭候皇家蘇斯達。講牌面，馬體會的確贏晒，不過呢班波火力近排明顯回落，未必可以大勝，玩1.8倍入球細最穩陣。

（now632台周三凌晨2:00直播）
皇蘇3.4億起球場 大陸網站資助兩成

「床單軍團」最近連贏3場，加上佢哋要趁歐聯8強未開打盡量搶分，中場魯爾加西亞、門將莫亞又復操，呢鋪想殺退皇蘇繼續攞足3分難度應該唔大。之不過呢班波最近鋒力麻麻，近7仗入得6粒，進攻孖寶基沙文同文迪蘇傑夾埋只係交出1球士哥咁大把，後者直頭陷近個半月入球荒添，前線啞火，邊炒得起對手呀？

另邊廂嘅皇蘇近期收到好消息，佢哋早前打算用4,000萬歐元（約3.4億港元）重建安奴達球場，近日得到贊助商中國錢寶網資助約20%工程費用。收咗人咁大筆錢，今仗邊好意思畀人數咁樣衰吖！何況教練莫耶斯教防守係有一手，睇番佢哋近4仗不敗之餘，夾埋仲只係失咗2球波，呢鋪鬥馬體會，唔似會輸鑊甘，既然係咁，主W得1.23倍冇肉食，博「讓主」又太冒險，都係轉玩入球細最明智。