易發發重新打造

不死鸟

第三場4班1400米初出馬有兩匹，「現代武士」上季拍賣會以300萬成交，老豆係澳洲3歲馬王「列度選擇」，下線更良駒輩出，同母姐姐Joie De Grise為南非3歲馬后，另一匹Arlington Road出自「丹山」，與「現代武士」份屬四分三兄弟，在澳洲亦贏過一級賽，論血統相當顯赫，展望將來可晉身高班，一出跑1400米則有難度，怕走寶QT腳可拖一票。「吉利多」幕後一早買落，但同母兩駒只入位而未勝，暫不宜寄望過高。 「納帕二號」、「沙貝利」及「易發發」3歲已嶄露頭角，今季遲早可攻破4班；「精玲大師」和「雙龍出海」上陣至今從未跌出4名；「自家威」上仗與「高智慧」鬥足成條直路，賽績亦要尊重，相信今場由上述馬匹控制大局。博W先考慮「易發發」，上季跑5場得1W1P，排檔較好一次，於此程打低「又贏晒」、「信賴」及「暢蝦王」贏馬，其後健康有過少問題，敗績唔可以計數，話晒係「活力寶蹄」和「永旺財」同母細佬，4班肯定超卓，今季由賀賢重新打造，鎖定目標等1400米才報名，排7檔都算理想，機會可秤先。