「愛奴」作客曳難發「維」

猪拉多纳

西甲今晚繼續加開快車，維拉利爾主場同愛斯賓奴對撼，兩隊同樣連續5場未贏過，但愛斯賓奴今季作客例牌腳軟，今場仲有中後場孖寶停賽，相信難阻「黃色潛艇」贏波再度啟航，1.44倍主勝咪嫌少！

（開賽時間：周五凌晨4:00）
維拉利爾主場有料

愛斯賓奴近5場3和2負，只得沙治奧加西亞斬獲1球，其餘4場零進帳，箭頭啞火。佢哋今季作客戰績亦唔掂，14場僅得2勝3和9負，中後場雙將沙華施維拿同後衞祖安富安迪斯又黃牌夠數要坐波監，進一步減低戰鬥力，想踢場好波都難。

雖然維拉利爾聯賽連同歐霸盃近5場錄得2和3負，睇落仲差過愛斯賓奴。但「黃色潛艇」今季主場威力唔嘢小，曾經打出一段10連勝佳績，相信韋圖、烏捷、杜斯山度士等射手今場就算唔能夠助「黃潛」大勝，最少都可以幫球隊重返勝軌，一於熱食主勝，博好分頭嘅不妨揀3.3倍「讓球和」。