小保加勇猛 活捉客場蟲

猪拉多纳

阿甲班霸小保加近況非常勇猛，球隊剛喺上周中嘅自由盃分組賽，作客以3比0輕取蒙特維多流浪，鎖定晉級席位。小保加現時以6勝2和嘅成績排喺榜首，雖然周中要踢自由盃，但球隊已提早出線下仗自然變成例行公事。小保加今仗雖有門將奧利安繼續停賽，後衞阿歷西斯洛連、中場古巴斯、加高及前鋒施巴斯坦柏拿斯奧斯皆因傷無法上陣，但球隊仍然猛將如雲，要喺主場贏波絕非難事。新芝加哥上仗完場前失波，最終作客以1比2不敵班菲特全失3分，球隊今仗續有中場基斯甸高美斯同迪拿富恩迪因傷避戰，加上呢班波近7次作客未贏過，明顯係「客場蟲」，今仗造訪小保加主場都係等炒，捧讓球主勝。

（周一清晨5時15分開賽，馬會網上文字直播）