華倫大騷保前4

猪拉多纳

迎地獄賽程冇失分空間

今晚西甲獨腳戲上演巴倫西亞打吡戰，華倫西亞主場迎戰利雲特，華倫西亞連續兩場聯賽失分，要保住前四踢下屆歐聯不容再失。利雲特近年於打吡戰佔上風，而且佢哋現時亦要搶分護級，作客都唔會打守勢波，1.72倍大盤可作過關重心。

（周二凌晨2時30分開賽）

華倫西亞對上兩場聯賽先後打和維拉利爾及畢爾包，已被第五位嘅西維爾追至同分，由於佢哋嚟緊仲要作客巴塞隆拿及皇家馬德里，所以要保住前四出席下屆歐聯，對住實力較弱嘅球隊再冇太多失分空間。華倫今場最大隱憂係中堅奧達文迪停賽，要延續近四場主場不失波走勢有難度。
利雲特對賽佔優

未計周日晚成績，利雲特只以一分領先尾三嘅拉科魯尼亞，稍有閃失就跌落降班區域，故此作客亦唔會全心求和。利雲特近年喺巴倫西亞打吡戰成績唔錯，對上六次交手取得三勝兩和一負，只有一次未能喺對手華倫身上取得入球，今次乘對手主力中堅停賽，有力繼續爭取士哥。

另外兩場推介賽事，俄超莫斯科中央陸軍作客阿馬卡，中央陸軍接連不敵辛尼特、莫斯科戴拿模兩支勁旅，今遇榜尾嘅阿馬卡係時候反彈，捧讓球客勝。最後葡超艾斯杜尼主場鬥費利拿，艾斯杜尼聯賽九場不勝兼失廿四球，主場讓唔起費利拿平半，捧下盤啱數。