川河飛駒機不可失

不死鸟

第二場第五班1650米（泥地）。「銀鷹」上季尾同程一放到底開齋，今季初出草地1400米亦跑入冷Q，可見暑後進步幅度甚大，頭馬「松風」其後上四班上陣亦入位，季軍「開心財星」再出亦已補中，賽績十分硬淨，難得賽後未被加分，仍可留在五班角逐佔盡便宜，今次操好回師勝途擺明車馬，只要起步及時搶出，對手只有食塵份兒。「恒運財星」上季積極減分，今季復課一早做工夫，首次跑五班可望對大局威脅，三重彩配腳可向「甜在心頭」及「野蠻」動動腦筋。
第五場第四班1650米（泥地）。「川河飛駒」（右圖）轉投鄭?後已養回健康，剛在泥地同程入圍，6歲自購馬終於搵到新出路，復課悉心操練，狀態之佳可說來港後首見，再用潘頓執韁有力取得突破。「冰火」上次跑谷草同程姍姍來遲得第四，從末段追勁來看，若非早段失地太多已有機會上名，今次回師泥地更合發揮，三重彩配腳可加入「果然勁」及「金球」。