金澤薩維根 畀Like抵讚

猪拉多纳

新升班嘅金澤薩維根於今季日乙表現神勇，入球停不了嘅射手清原翔平更以六個士哥領先射手榜，今於主場迎戰對上三場都冇入波嘅讚岐卡馬達馬尼，1.75倍主W可捧。

（周日中午12時開賽）

首次升上本土第二級別聯賽嘅金澤薩維根可以講係今季日乙神奇球隊，開季七場聯賽取得五勝兩負，除咗上周代表作擊敗擁有科蘭、卡卡奧壓陣嘅升班熱門大阪櫻花，主場四次出擊贏咗三場亦證明有真材實料。射手清原翔平今季已入六球，現和FC岐阜難波宏明並列射手榜第一位，腳風咁順無謂刻意打對台。
讚岐卡馬達馬尼季初例甩轆

讚岐卡馬達馬尼上季和金澤薩維根一樣都係新升班，表現差天共地，頭十四輪聯賽輸咗十二場，要去到第十五輪才取得首場勝利，今季佢哋開季演出雖然稍為有改善，但上月底爆冷贏完磐田山葉又見走下坡，對上三場聯賽不勝之餘兼且冇入波，今次要作客搶分難度極高。