小保加踢到順反客為主

猪拉多纳

近期氣勢如虹，喺阿甲仍屬不敗之師嘅小保加，聽朝早將會造訪拉魯斯。小保加雖仍有多名傷兵，但球隊已習慣喺兵源緊絀下作戰，面對有兩位主力停賽嘅拉魯斯，今仗大有機會反客為主，平手盤捧小保加。

（周一早上8時30分開賽）

小保加喺自由盃六戰全勝以首名出勝，球隊狀態同士氣都處於最頂點，呢班波喺阿甲賽事仲未輸過，球員信心爆棚，今仗縱有門將奧利安繼續停賽，前鋒施巴斯坦柏拿斯奧斯、中場加高、古巴斯及後衞阿歷西斯洛連仍未傷愈，但有射手卡里利及奧斯華度壓陣，就算作客都有望擊退有奧斯卡賓尼達斯同阿高斯達停賽嘅拉魯斯，平手盤絕對捧得過。