祖記上盤咪森多

猪拉多纳

提早封王壯歐聯行色

意甲祖雲達斯作客對森多尼亞，呢場祖記和波都可以提早封王，有人懷疑佢哋會留力下周歐聯硬撼皇馬，不過阿King選擇相信祖記會贏波提早奪標，跟住先至專心喺歐聯發圍，今季祖記10場歐聯前賽事獲7勝，數據勝於一切，今場讓平半，撐祖記上盤。

（TVB 301周日凌晨零時直播）

祖記喺意甲遙遙領先，封王只係時間問題，有人會話佢哋今場唔使贏住，留待下場返主場先開奪標Party，不過從整體利益計算，歐聯係打兩個回合，如果有機會更進一步入決賽，備戰更為重要，早啲將個聯賽錦標落袋，有利部署之餘，士氣亦有好大幫助。事實上，祖雲達斯今季鍾意歐聯前贏波壯行色，今季歐聯前聯賽獲7勝2和1負，其中包括擊敗聯賽爭標對手拉素，證實佢哋有心要贏，一定贏到，唔怕捧場。
紅鑽無敵主場添食

另外，日職上演榜首大戰，由浦和紅鑽主場對大阪飛腳。兩隊實力不相伯仲，但飛腳存在兩大隱憂，首先球隊傷兵問題嚴重，其次下周中需出戰亞冠盃生死戰，兩大不利因素夾擊下，今場唔樂觀。相反浦和紅鑽喺亞冠盃已經篤定出局，專注聯賽搏殺，今季聯賽主場更係全勝，小讓平半上盤仍然值博。（有線61、201及148台周六下午1時直播）另一場FC東京主場對川崎前鋒，川崎射手大久保嘉人寶刀未老，佢同雲拿天奴合共炮製咗11球，作客照同對手鬥攻，首選入球大。

（有線61及201台周六下午3時直播）