曼聯主場43分英超冧巴溫

猪拉多纳

同大戶集多方資料作出分析而買波一樣，操盤手亦會因應唔同數據及情況而定出盤口。好似上月中意甲一哥祖雲達斯主場對拉素，後者連場報捷弗到震，但莊家依然要祖記讓半一咁多，個盤開得咁鬼，實在令人難以理解，但嗰場波祖記早段入兩粒輕鬆擸三分，贏波又贏盤，絕非無的放矢，呢種擺明引你落疊買下盤嘅格局，通常令好多散戶中招，因此肥叔都係嗰句喇──睇盤做人。

今晚肥叔嘅重心推介場次，係英超曼聯主場迎戰西布朗。雖然車路士快將於聯賽封王，但齋計主場戰績，呢支準冠軍累積42分排次席，咁邊隊係「冧巴溫」？咪就係曼聯囉，佢哋每逢坐鎮奧脫福球場特別sharp醒，唔單止以43分暫列主場王，亦係於自己地頭入波最多（40球）嘅英超球隊，只因作客成績（得22分）差太遠而未能與車仔抗衡。就算有時盤口會讓得太辣，不過肥叔想講係紅魔返主場作戰係信心保證，今仗對西布朗初盤要讓得球半亦屬合理，況且排第13嘅西布朗與傳統護級安全線嘅40分只差3分，幾近上岸，肥叔寧願捧番主場特醒嘅曼聯。

（now 621周日凌晨零時30分直播）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！