紅魔搏命有回布

猪拉多纳

尹戈爾話明清洗冇情講

英超嚟到最後直路，車路士封王已毫無懸念，不過前3競爭仍然相當激烈，曼聯連輸2場後跌到落第4位，雖然入前4都幾穩陣，不過如果唔想踢危機四伏嘅歐聯外圍賽，今晚主場對西布朗實在不容有失。據報戰術大師尹戈爾今仗會大變陣止血，加上近期頻頻傳出買人消息，一眾「紅魔」為保飯碗必定要搏命爭表現，1.94倍「讓球主勝」抵玩！

（now621周日凌晨0:30直播）

曼聯上場聯賽慘吞愛華頓3蛋，認真羞家！領隊尹戈爾梗係嬲到紮紮跳啦，據報佢今晚會變陣出擊，路爾斯華倫西亞同戴利白蘭特上場表現咁失禮，好有可能會被踢落後備席，改用傷愈復出嘅菲爾鍾斯同卡域克。隊長朗尼雖然因傷提早收咧，不過就有好番晒嘅尹佩斯頂上，呢位荷蘭神箭啱啱喺U21賽事梅開二度，相信狀態應該唔成問題！
Out走半打主力 力斟迪比 卡雲尼

冇錯，尹戈爾嘅用人方式向來難以捉摸，就連私交甚篤嘅同胞尹佩斯都可以被打入冷宮，就知呢位鐵腕教頭唔係人咁品。正因為咁，近日盛傳尹佩斯、法卡奧、桑馬達、卡域克、費蘭尼同艾殊利楊格等多名球員，夏天可能會被清洗，改為力斟迪比、尼達利基尼、根度簡、卡雲尼等巨星，曼聯今夏大換血似乎勢在必行，邊個都冇情講，一眾「紅魔」唔想四圍搵工咁徬徨，梗係要把握最後機會博尹帥歡心啦！
護級壓力較細 西布朗鬥志成疑

撐曼聯大勝嘅另一個原因，係西布朗近排表現堅差強人意，佢哋先後分別輸畀曼城、李斯特城同QPR。西布朗作客水晶宮一仗，好彩有占士摩利臣同格力加特拿回勇入波先開到W，之但係佢哋依家已經排喺第13位，護級壓力相對較細，爭勝心一定唔夠力保飯碗嘅「紅魔」強喇！所以小妹認為有主場之利嘅曼聯，可以輕鬆大捷一場，一於撐「讓球主勝」啦！
盤路解碼

曼聯對上14次鬥西布朗開12口入球大。
Data King：西布朗入魔竇例食白果

‧曼聯近21次聯賽鬥西布朗，取得16勝4和1負。

‧「紅魔」英超主場6連勝。

‧西布朗近13次英超作客奧脫福，10次食白果。