般尼茅夫焗做大龍鳳

猪拉多纳

查爾頓冇心理包袱喪攻

今日英冠上演煞科戰，咁多場波之中，樂比對查爾頓主場對般尼茅夫嘅入球大最有信心，原因係般尼茅夫係英冠鋒力最強嘅球隊，而且佢哋目前處境最好，既已攞到升班資格，又有機會挑戰聯賽冠軍，有推動力之餘，壓力又唔會太大，喺呢種精神狀態之下比賽最易有波入。

（開賽時間：周六晚7:15）

踏入5月意味球季進入尾聲，從菠菜角度而言，最值得投X嘅黃金時期已過，我會建議大家小注怡情，以觀賞角度去享受球賽。今晚英冠煞科，好多朋友都諗住「標尾會」，不過煞科戰投X難度甚高，好多表面上勝算高嘅球隊，賠率都會熱到唔合理，就算贏到都冇肉食，而經驗亦話畀我哋聽，一啲無欲無求嘅球隊，往往會喺煞科戰踢出超水準，所以唔係咁易捉路，大家要記住一個硬道理，需要贏唔代表一定贏到，故投X熱門前要三思。
煞科戰7成半開大

不過如果真係波癮起，我會建議大家留意入球大，事關最後一輪冇包袱，踢法上必定會比平時Open，睇番上季英冠最後一輪，24隊入面有21隊能夠喺煞科戰入波，12場波有9場開大，比率達7成半。般尼茅夫係近期喺英冠炙手可熱，保持12場不敗之餘，今季聯賽攻入95球，亦係全英冠入波最多嘅一隊，佢哋全隊有4位球員入球達雙位數字，足證佢哋套全攻Form值得信賴。

主隊查爾頓自從今年1月易帥後，踢法較之前進取，近12場聯賽11場有波入，同時亦只得1場冇失波，可以話入得又失得。值得留意係多名主將如賓希姆、羅渣莊臣及卓治均未獲續約，今場隨時係告別戰要博表現，捧入球大啱數。
樂比推介

查爾頓（入球大）