海灣者作客拆紐

猪拉多纳

美職新軍紐約城始終都係組成冇耐，好多嘢都只係喺起步階段，即使搵嚟韋拿呢位西班牙名將，得佢一個人都撐唔起成隊波，結果紐約城開季8戰僅得1勝，佢哋聽朝喺主場迎戰西岸勁旅西雅圖海灣者，睇怕都係凶多吉少，客勝有2.42倍有買趁早。

（周一早上7時開賽）

西雅圖海灣者係上季常規賽西岸一哥，兩大殺手丹普西同馬田斯今季繼續嚟料，季初只係踢咗7場二人合共入咗8球，入球效率驚人，反觀紐約8場入5球美職入波第二少，搞到近5場輸咗4場，識揀梗係揀客勝喇！